MJUK FLYT

6 VEKER

MANDAGAR

🧘‍♀️ Oppstart: Mandag 24. mars
🕖 Tid: Kl. 19.30–20.30
📍 Stad: Treningsloftet, Stallgata 10
💰 Investering: 1600 kr
✅ Plassen vert sikra ved betaling til VIPPS 95782137

Kva er Mjuk Flyt?

Mjuk Flyt er ei roleg og mjuk yogaform der vi rører oss i takt med pusten. Timen kombinerer styrke, smidighet og nærvær gjennom dynamiske sekvensar og djupe pust. Kvar økt har ein leiken tilnærming – nokre sekvensar gjentek vi for å skape gjenkjenning, medan andre varierer for å utfordre kroppen på nye måtar. Vi byggjer gradvis opp varmen i kroppen og avsluttar med ei behageleg avspenning som gir ei kjensle av ro og balanse.

Kvifor er yoga bra for deg?

Yoga har mange gode fordelar for både kropp og sinn:
✨ Aukar bevegelegheita – Gjer musklar og ledd mjukare.
💪 Styrkjer kroppen – Byggjer kjernestyrke og stabilitet.
🧠 Reduserer stress – Senkar nivået av stresshormon og fremjar ro.
💓 Betra søvnkvaliteten – Hjelper deg å sovne raskare og sove djupare.
🌬️ Forbetrar pusten – Lærer deg å puste djupare og meir medvite.
😌 Aukar velvære – Gir ei kjensle av balanse og mental klårleik.

Dette kurset passar for alle, enten du er ny til yoga eller har erfaring frå før. Kom som du er, og nyt ei time med flyt, pust og ro!

Datoar

24. mars
31. mars
7. april
28. april
5. mai
12. mai

PÅMELDING

Påmeldinga er bindande.

Du har sjølv ansvar for deg og din kropp.

Om meg

Eg har praktisert yoga og meditasjon i over halve livet og tok yogalærarutdanning i 2015 i Dharamsala. Eg er nok ikkje ein veldig tradisjonell yogalærar, men bruker mykje av verktøya som finst i yoga. I kjerna av mi undervisning finn du sanninga om at vi alle er heile og fullstendige menneske akkurat no. Vi kom inn i verda fullverdige og vil forlate denne verda fullverdige. Ingen terapi eller sjølvutvikling kan gjere deg heil, for du er alltid heil. Men eg kimser ikkje av sjølvutvikling og terapi – eg meiner det er uvurderlege verktøy for å forstå oss sjølve og verda betre, for å tillate oss sjølve å vere den vi er.

Som utdanna pedagog og med erfaring frå tradisjonell skule, ønskjer eg at du skal ta makta tilbake, lære deg å lytte til deg sjølv og å stole meir på deg sjølv enn andre. Du vil difor bli oppfordra til å gi litt faen, til ikkje å vere ein flink elev. Du er ikkje her for å bevise noko som helst, verken for meg, nokon andre eller deg sjølv. Du er her for å VERE deg. Og det er så ufatteleg nok! <3

Kvifor er det viktig å stresse ned?

I ein travel kvardag kan det vere lett å gløyme kor viktig det er å gi kroppen og sinnet ein pause. Når vi stressar over tid, held kroppen seg i ein «fight-or-flight»-tilstand, der stresshormon som kortisol og adrenalin er høge. Dette kan ha negative konsekvensar både fysisk og mentalt.

🌿 Her er nokre grunnar til kvifor det er viktig å stresse ned:

🔹 Betre fysisk helse – Langvarig stress kan svekkje immunforsvaret, auke blodtrykket og føre til hovudverk, muskelspenningar og mageproblem. Å redusere stress hjelper kroppen å fungere optimalt.

🔹 Mental balanse – Stress påverkar humøret og kan føre til uro, irritabilitet og utmatting. Å stresse ned hjelper deg å tenkje klårare, føle deg meir stabil og få meir overskot i kvardagen.

🔹 Djupare søvn – Stress kan gjere det vanskeleg å sovne og føre til uroleg søvn. Når vi roar ned, aktiverer vi det parasympatiske nervesystemet, som hjelper oss å slappe av og sove betre.

🔹 Betre pust – Under stress blir pusten ofte kort og overflatisk, noko som kan forsterke uro og spenningar. Å roe ned og puste djupare hjelper kroppen å slappe av og gir ei kjensle av velvære.

🔹 Meir medvit – Når vi stressar, er vi ofte fanga i tankane våre og går glipp av augeblikket. Å ta seg tid til å stresse ned – for eksempel gjennom yoga – gjer at vi kan nyte det som skjer her og no.

Å finne små pusterom i kvardagen kan gjere ein stor forskjell. Yoga er ein fantastisk måte å gi kroppen ein pause, skape balanse og gi hjernen ei velfortent kvile. 🌿✨

Har du spørsmål? Ta kontakt! 💜